Елге «Сібір» циклонының келуіне байланысты Ыстанбұлда алғашқы қар жауды, деп хабарлайды Kazinform агенттігі.
Түркия қаласында күндіз ауа температурасы 10 градустан астам төмендеген. Термометрлер плюс 15 градустан плюс 3 градусқа дейінгі төмендікті көрсеткен. Желдің екпіні сағатына 60 шақырымға жетеді.
Йени Шафак газетінің хабарлауынша, Чамлыжа төбесіндегі Картал, Пендик, Тузле, Үмрание, Аташехир және Үскүдар аудандарында қар мен жаңбыр жауып жатыр. Сонымен қатар, ылғалды қар Силиври, Буюкчекмеже, Бейликдузу, Авчилар, Эсенюрт және Кагитханеде байқалады.
Түркияның метеорология бас басқармасының хабарлауынша, 10 қаңтар сәрсенбі күні қар жаумайды, бірақ 11 қаңтар бейсенбі күні жауын-шашын қайта басталады.
Дүйсенбі, 15 қаңтарға дейін ауа райы өзгермейді. Провинцияда су тасқыны және көліктің бұзылуы мүмкін. Қардың арқасында су қоймаларындағы су деңгейі 53 пайыздан жоғары көтеріледі.
Өткен тамыз айында Түркияда соңғы 33 жылда болмаған қуаңшылық болды. Ел аумағының едәуір бөлігі төтенше жағдай аймағына енді. Қазан айындағы жағдай бойынша Ыстамбұлды қамтамасыз ететін су қоймаларындағы су қорының деңгейі 48,5 пайыздан 20,6 пайызға төмендеді. Түркия билігі тұрғындарынан суды үнемдеуді сұрап, үндеу жасады. Анталия қаласына ауыз су тапшылығы қаупі төнді.