Әлеуметтік желілерде Бурабайда жер сілкінгені туралы ақпарат тарады, - деп хабарлайды Tengritravel.kz тілшісі.
Онда Бурабай кентіне жақын маңда 4 ақпан сағат 14:00 шамасында 5 балдық жер сілкінісі болғаны көрсетілген.
Қазақстанның төтенше жағдайлар министрлігі осы ақпаратқа қатысты түсініктеме берді.
"Сағат 13.57-де Earthquak қосымшасында Ақмола облысында Бурабай ауылының маңында жер сілкінгені туралы ақпарат жарияланды. Қазақстанның төтенше жағдайлар министрлігінің сейсмикалық бақылаулар және зерттеулер ұлттық ғылыми орталығы аталған аумақта жер сілкінгенін жоққа шығарады", - делінген ТЖМ хабарламасында.
Дәл осындай жалған ақпарат Қызылорда облысында да тарады. Облыстық ТЖД Қызылордада да жер сілкінбегенін мәлім етті.
Құрметті Қызылорда облысының тұрғындары мен қонақтары!
Әлеуметтік желіде тараған: “Қызылорда өңірінде жер сілкінді” деген жалған ақпаратқа байланысты облыста жер сілкінбегінін хабарлаймыз. Департаменттің жауапты қызметкерлері Сейсмология институты өкілдерімен ұдайы ақпарат алмасып отырғандықтан, әзірге ондай ақпарат берілмегенін хабарлаймыз, - деп сендірді Қызылорда облысы ТЖД баспасөз қызметі.