11 ақпанда Атырау облысы Исатай ауданына қарасты қыстақтардың бірінен Тұщықұдық ауылына қарай бағыт алған үш автокөлік батпақты жерге батып, шыға алмай қалған.
Шақырту сағат 23:10-да түсіп, адамдарды іздеу-құтқару үшін Исатай аудандық №6 ӨСБ-нің және жергілікті атқарушы органдардың қызметкерлері шықты.
Құтқарушылардың үйлесімді жұмысының нәтижесінде адамдар Тұщықұдық ауылынан 20 шақырым жерде табылды. Үш көлікте 15 адам, оның ішінде сегіз бала болған: барлығы қауіпсіз жерге көшірілді. Оларға медициналық көмек қажет болмады.