Танымал әнші, “Құрмет” орденінің иегері Алтынай Жорабаева бесінші қызын қырқынан шығарды. Бұл туралы Stan.kz ақпарат агенттігі хабарлайды.
Қаңтар айының басында өнер иесі бесінші баласын дүниеге әкелген еді.
“Кішігірім ортада Амина Алишерқызын қырқынан шығардық. Себебі, вирус өршіп тұрғанда, үйге көп адам шақырмадық. Оған ешкім ренжімейді деп ойлаймын. Алла қаласа, күн жылығанда, ағайын-туыс, дос-жаранның басын қосып, шілдехана тойын жасауға ниеттеніп отырмыз. Арнайы Алматыдан ат терлетіп, Мансия құрбым келді. Ең үлкен әпкем Ақтолқын, келіні Гауһар, тұңғыш қызымыз Аяулымның кіндік мамасы, әрі ақ көршім Айған жеңешем, оның келіні Алтынай келді. Астанадағы құрбыларымнан тек Сандуғашым келді. “Негізі құрбыларды шақырып жатқан жоқпын” дегеніме қараған жоқ. Міне, осылай кішігірім ортада ақ тілектерін жаудырып, мәре-сіре болып, қызымызды қырқынан шығарып алдық”, – деп жазды әнші.