Президент Қауіпсіздік кеңесінің отырысын өткізді. Жиын барысында Ұлттық қауіпсіздік стратегиясын жүзеге асыруға бағытталған негізгі әдіс-тәсілдерді жандандыру мәселелері қарастырылды. Мемлекет басшысына Премьер-Министрдің орынбасары — Ұлттық экономика министрі Нұрлан Байбазаров пен бірқатар салалық мемлекеттік органның басшылары мәлімет берді. Қасым-Жомарт Тоқаев сын-қатерлерге талдау жасап, олардың алдын-алу шараларын әзірлеуді тапсырды. Азаматтардың және тұтас мемлекеттің қауіпсіздігі Үкімет пен барлық ведомство қызметінің басты бағыты ретінде назарда болуға тиіс екенін ескертті.