Бұрынғы денсаулық сақтау министрі Ажар Ғиният "Ұлттық балаларды оңалту орталығы» КЕАҚ басшылығына келді. Денсаулық сақтау министрі Ақмарал Алназарова "Ұлттық балаларды оңалту орталығы" КЕАҚ ұжымына жаңа басшы – Ажар Ғиниятты таныстырды. Ажар Ғиният Ақтөбе мемлекеттік медицина институтын "Педиатрия" мамандығы бойынша, Ш.Есенов атындағы Ақтау мемлекеттік университетін "Мемлекеттік және жергілікті басқару менеджері" мамандығы бойынша және Алматы Менеджмент университеті "МВА іскерлік әкімшілендіру магистрі" мамандығы бойынша тәмамдаған. Еңбек жолын 1993 жылы Атырау қаласының №2 қалалық емханасында учаскелік педиатр болып бастаған. 1994 - 1999 жылдары - Ақтау қаласының №1 медициналық санитарлық бөлімінің меңгерушісі. 1999-2001 жылдары - Маңғыстау жұқпалы аурулар ауруханасының бас дәрігерінің емдеу ісі жөніндегі орынбасары. 2001-2005 жылдары - Маңғыстау облысының Денсаулық сақтау басқармасы басшысының орынбасары. 2005-2006 жылдары - Маңғыстау облысы денсаулық сақтау департаментінің директоры. РЕКЛАМА 2008-2017 жылдары - ҚР Денсаулық сақтау министрлігінің басқарма басшысы, департамент директоры. 2017-2020 жылдары - ҚР президенті іс басқармасының медициналық орталығы басшысының орынбасары 2020-2022 жылдары-ҚР Денсаулық сақтау вице-министрі. 2022-2024 жылдары-ҚР Денсаулық сақтау министрі қызметін атқарды.