Ұлттық сезім – ұлттық рухтың көрінісі. Былтыр желтоқсанда қазақ мәдениетін насихаттауға бағытталған "Ұлттық сезім" флешмобы басталған еді. Акцияға қатысушылардың саны күн санап артып келеді. Ірі компаниялар мен жоғарғы оқу орындары, сондай-ақ, орта мектептердің мұғалімдері мен оқушылары да қолдау білдіруде. Жобаның басты мақсаты – салт-дәстүр мен мәдени мұраны сақтап, тарату, ұлттық киім қолөнері мен нарығын дамыту, сондай-ақ осы салада жұмыс істейтін жас дизайнерлер мен қолөнершілерге қолдау көрсету.
Тастанбек ЕСЕНТАЕВ, ҚР ҰЛТТЫҚ СПОРТ ТҮРЛЕРІ ҚАУЫМДАСТЫҒЫНЫҢ ВИЦЕ-ПРЕЗИДЕНТІ:
Бүгінде бұл жобаны 100-ден астам компания, білім беру ұйымдары қолдап отыр. Қолдаушылар саны 20 мыңнан асады. Барлығыңызды бастамаға қолдау көрсетуге шақырамын.