Қостанай облысының оңтүстігінде де қалың қардың көбесі сөгілді. Арқалық қаласының маңындағы бірнеше елдімекендегі үйлерді су басты. Шаһар шетіндегі төрт ауылда 12 үй, 20 аула суда қалған. Төтенше жағдайлар департаментінің қызметкерлері 14 мың текше метр қарғын су сорылғанын хабарлады. Күннің күрт жылынуына байланысты қар тез еріп,тасқынның қаупі күшейе түсті. Жедел-құтқару жұмыстарына Қызылорда облысынан 31 адам, 6 техника, 10 мотопомпа, 2 қайық жеткізілді.Әскери бөлім қызметкерлері де жұмылдырылды.Облыс бойынша су тасқынына қарсы іс-шаралар жалғасып жатыр.