Ақтөбе облысындағы Қауылжыр станциясында жүк вагондары рельстен шығып кетті.
"Қазақстан темір жолы" ҰК" АҚ баспасөз қызметі хабарлауынша, қазір Қауылжыр станциясында пойыз қозғалысы қалпына келтірілді.
"27 наурызда сағат 09.28-де Шалқар – Жем учаскесінің Қауылжыр станциясында 58 вагоннан тұратын жүк пойызының 8 вагоны рельстен шығып кетті. Құрбан болғандар мен зардап шеккендер жоқ. Оқиға орнына жедел қалпына келтіру пойыздары жіберілді. Арнайы комиссия рельстен шығып кету себептерін тексереді", - делінген "Қазақстан темір жолы" ҰК" АҚ хабарламасында.