Қасым-Жомарт Тоқаев пен Режеп Тайип Ердоған телефон арқылы сөйлесті. Мемлекеттер басшылары бірін-бірі Ораза айт мерекесімен құттықтап, Қазақстан мен Түркия халықтарына бақ-береке тіледі. Сонымен қатар Қасым-Жомарт Тоқаев Түркия президентіне елдегі су тасқынына байланысты апат кезінде қолдау білдіргені үшін алғыс айтып, қазақ-түркі жұртының арасындағы бауырлық қарым-қатынасты ерекше бағалайтынын жеткізді. Әңгімелесу барысында президенттер екі ел арасындағы стратегиялық серіктестікті одан әрі нығайту мәселесін талқылап, алдағы уақытқа жоспарланған кездесулер кестесін қарастырды.