Қазақстан халқы Ассамблеясының басты мiндетi - «Мәңгiлiк ел» жалпыұлттық патриоттық идеясы негiзiнде қазақстандықтардың бiрлiгiн нығайту. Ассамблея төрағасының орынбасары Ералы Тоғжанов осылай дейді. Айта өтейік, бүгін Ассамблеяның ғылыми-сарапшылық кеңесi кеңейтiлген отырыс өткізді. Оған өңір-өңірлерден делегаттар келіп, өзектi мәселелер төңірегінде баяндамалар жасады. Жиын барысында «Болашағы бiртұтас ұлт» реформасының шеңберiнде төрт заңға өзгерiстер мен толықтырулар енгiзiлгенiн, «Қайырымдылық туралы» арнайы заң қабылданғаны да айтылды. Сондай-ақ, күні кеше тұңғыш рет мерекеленген «Алғыс айту» күнiнің қазақстандық бiрегейлiктi нығайтудағы мәнiне назар аударылды.
Ләйлә ҚАЗИАҚПАРОВА