Ауыр атлет Бауыржан Қамалиев 50 тонна ауыр ұшақты тартудан бесінші әлемдік рекорд орнатты. Оны қазақстандық рекордтар кітабының ресми өкілі Қуандық Құдайберген тіркеді. Күш экстримінде бақ сынау үшін дайындалуға оған небәрі 1 күн берілген. Бауыржанның айтуынша, әскери адам қашан да физикалық тұрғыдан сақадай сай болуы тиіс.
Бауыржан Қамалиев бұған дейін 4 рет әлемдік рекорд орнатты. 32 тоннаға дейінгі ұшақтарды тартқан. Жаңа көрсеткішін ол полиция қызметкерлерінің кәсіби мерекесіне арнады. Себебі, ол- отставкадағы подполковник.
Бауыржан ҚАМАЛИЕВ, АУЫР АТЛЕТ:
Енді қиын статикалық напряженияда тұрасың ғой. Енді пендеміз ғой шабытыңды саласың. Ішкі істер министрлігінен звондап Бауыржан дайынсың ба деді. Не істеу керек, полиция күніне қарай рекорд қоймайсың ба деп. Кеше түнде келіп осында дайындалдым. Әйтпесе білмегенмін.
Бауыржан Қамалиев осылайша бесінші мәрте рекорд жасап, қызыл кітапқа енді. Қонақтарға экскурсия ұйымдастырылды. Ауыр атлеттің өнерін тамашалап болғандар, мұнан соң әуебазаның инфрақұрылымымен танысты. Сондай-ақ ұшу және инженерлік-техникалық құрамдағы зардап шеккендерді эвакуациялауға арналған әуе кемелерін көрді. Және Ірі габаритті жүктерді тасымалдауға арналған техникалармен танысты.
Айдана ҚАЙРАТ, ТІЛШІ:
Бұл -МИ – 171 десанттық тікұшағы. Дәл осы тікұшақпен су тасқыны кезінде 4 тоннаға жуық гуманитарлық көмек тасымалданды. Сондай-ақ 800 ге жуық адам эвакуацияланды. Оның жылдамдығы сағатына- 250 километр.
Арманбек ПІРІМБАЕВ, ТЕХНИКАЛЫҚ БӨЛІМНІҢ БАСТЫҒЫ, АҒА БОРТ ТЕХНИГІ:
Бұл тікұшақпен біз барлау жұмыстарын жасаймыз. Өрт сөндіру жұмыстары, эвакуация жаңағы халықтарды бір жерден құтқаруға, көмектесуге. Тағы да санитарлық түрде 12 адам тасымалдаймыз. Жаңағы насилка дейді ғой.
Қызметкерлер әуе барлауын жүргізу, ауадан қылмыскерлерді іздеу, зардап шеккендерді эвакуациялау бойынша айтарлықтай жетістікке жеткен.