Ұлттық құрама спортшысы Александра Ле Париж Олимпиадасында пневматикалық винтовкамен 10 метрден нысана көздеудің финалында 6-орынға тұрақтады, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Отандасымыз шиеленіске толы 165.4 ұпай жинады. Ақтық сында барлығы 8 таңдаулы мерген жүлдеге таласты.
Александра 5 дүркін әлем чемпионы Жанетт Хегг Дуэстадтан (Норвегия) және Ханчжоудағы жазғы Азия ойындарының күміс жүлдегері, 3 дүркін әлем чемпионы Рамита Жиндалдан (Үндістан) жоғары орын алды.