Таразда отбасылық жанжал кезінде ер адам әйелінің үстіне жанармай құйып жағып жіберген. Денесін түгел күйік шалған - алты баланың анасы ауруханаға түсіп жансақтау бөлімінде таңға қарай жан тапсырған. Денесінің 98 пайызын күйік шалыпты. Отбасының ойранын шығарған жан түршігерлік жағдай кеше түнгі 11-лер шамасында қаладағы жер үйлердің бірінде орын алған. Баспанасы да отқа оранған. Үйде балалары болыпты. Күйеуі де қайтыс болды. Оның денесін үйдің маңынан тапқан. Ал, ата-анасы мен баспанасынан айрылған балалардың ең кішісі үште, үлкені 22 жаста екен.
Құндыз БӨГЕНБАЕВА, ОБЛЫСТЫҚ ПД РЕСМИ ӨКІЛІ:
Денесін күйік шалған әйел ауруханада қайтыс болды. Күдікті оқиға орнынан жақын маңнан өлі күйінде табылды. Алдын ала болжам бойынша ол өз өзіне қол жұмсаған. Аталған деректерге қатысты қажетті сараптамалар тағайындалды.