Эталондық мұнай маркасының бағасы дүйсенбі күні таңертең аздап төмендеді, деп жазады inbusiness.kz сайты
Лондондағы ICE Futures биржасында қазан фьючерстерінің Brent сұрыпты мұнай құны барреліне 76,43 доллар болды. Бұл алдыңғы сауда-саттықтың жабылуынан 0,38 долларға (0,49%) төмен. Өткен сессияның нәтижесі бойынша бұл келісімшарттар 2,71 долларға (3,4%), барреліне 76,81 доларға дейін арзандады.
Нью-Йорк тауар биржасының (NYMEX) электрондық сауда-саттығында қыркүйек айына арналған WTI мұнай фьючерстері барреліне 73,07 долларға дейін төмендеді. Өткен жұмада келісімшарт 2,79 долларға, барреліне 73,52 долларға дейін арзандады.
Өткен аптаның қорытындысына сәйкес, Brent бағасы 4,3%-ға, WTI 4,7%-ға төмендеді.