Ақтөбе облысында жол апаты болып, үш адам қайтыс болды. Бұл туралы Ақтөбе облстық ПД баспасөз қызметінен мәлім етті, деп хабарлайды Azattyq Rýhy.
ПД мәліметінше, апат бүгін Ақтөбе-Астрахань тас жолында болған.
ВАЗ-2115 және ГАЗель көліктері Бестамақ ауылының маңында соқтығысқан.
«Нәтижесінде ВАЗ-2115 жүргізушісі мен жолаушысы сол жерде қаза тапты. Тағы бір кәмелетке толмаған жолаушы реанимацияда қайтыс болды. Үш жолаушы Алға қаласының ауруханасына жатқызылды», - деп нақтылады Ақтөбе облысының полиция департаменті.
Сотқа дейінгі тергеу басталды. Жол-көлік оқиғасының себептері анықталуда.