АҚШ пен арадағы тікелей әуе рейсін ашу 2025 жылдың соңына жоспарланып отыр. Бұл жайлы Көлік министрі Марат Қарабаев пен АҚШ федералды авиациялық әкімшілігі басшыларының Монреалдағы ИКАО штаб-пәтерінде өткен кездесуінде белгілі болды.
Тараптар екі ел арасында тікелей әуе қатынасын ашу үшін бар күш-жігерін салуға келісті және ұшақтарды уақытылы жеткізу мәселелерін талқылады. Осылайша 2025 жылдың соңында жолаушылар ұшақтары елімізден АҚШ-тың Нью-Йорк қаласына тікелей қатынай алады.
Аптасына кемінде 2 рет рейс жасау көзделген.
Сонымен қатар осы аптада Астанада АҚШ федералды авиациялық әкімшілігінің сарапшылары Қазақстан мен АҚШ арасында тікелей әуе қатынасын іске қосуға қажетті 1-ші санатын алу үшін ұшу қауіпсіздігін алдын ала бағалау бойынша жұмысты бастады.
Бұл туралы Қазақстан Телеарнасы хабарлайды.