Қарағандылық
полицейлер адамдарды қылмыстық топтарға тартумен айналысқан 6 теміртаулық
тұрғынды бір жылдан бері ұстай алмай отыр. Жасы 23 пен 33 аралығындағы ер
адамдарға "террористік ұйым құру және басқару", "қарулы
тұлғаларды террористік және экстремистік әрекеттерге тарту және дайындау"
баптары бойынша айып тағылған. Бұл туралы ІІД өкілдері айтты. Тергеу
материалдары бойынша, халықаралық іздеудегі лаңкестердің екеуі басшы, ал қалған
төртеуі адамдарды үгіттеумен айналысқан.
Бақытжан
Құдияров, Қарағанды облыстық ІІД баспасөз хатшысы:
Шығыс
полиция бөлімінде ҚР ҚК 257 және 259 баптарға сәйкес қылмыс жасаған бірқатар
қылмыскерлерге іздеу жарияланған. Қазіргі уақытта полиция қызметкерлерімен
олардың тұрғылықты мекен-жайы анықталуда.