Талдықорғанның
«Қаратал» ықшам ауданында ардагерлерге арналған демалыс бөлмесін ашу жоспарланып
отыр. Майдангерлермен жүздескен «Нұр Отан» партиясының Алматы облысындағы
мүшелері осындай ұсыныс білдірді.
Сондай-ақ
партия белсенділері ардагерлерді түрлі әлеуметтік шаралар мен акцияларға
араластыруды көздеп отыр. Қазір Талдықорғанда Ұлы Отан соғысының 39 ардагері өмір
сүреді. Қарияларды бірінші кезекте дәрі-дәрмек бағасының қымбаттығы алаңдатып
отыр. Бұл ретте майдангерлер өздеріне арнайы емхана ашылса деген ұсыныстарын да
жеткізді.
Әсия
Ахметова, «Нұр Отан» партиясы Талдықорған қалалық бөлімшесі басшысының орынбасары:
Қала
бойынша ардагерлер кеңесінің 11 бөлімшесі жұмыс істеп тұр. Мектептерде арнайы
бөлмелер бөлінген. Алайда ол жеткіліксіз. Сондықтан біздің бөлімше қалалық
әкімдік пен партия төрағасына осы сұрақты шешу туралы хат жолдайды.