Өскеменде жасөспірімді көлік қағып, мерт қылды. Бұл туралы ШҚО Полиция департаментінің баспасөз қызметінен мәлім етті, деп хабарлайды Azattyq Rýhy.
ПД мәліметінше, көлік қағып кеткен жасөспірім ауруханада көз жұмған.
Оқиға 19 қыркүйек күні Тоғас көшесінде болған.
«Lada Granta көлігінің жүргізушісі реттелмеген жаяу жүргіншілер өткелінен өтіп бара жатқан 2005 жылғы жасөспірімді қағып кеткен. Ауыр жараланған ол шұғыл түрде ауруханаға жеткізілді. Қазіргі уақытта аталған факті бойынша сотқа дейінгі тергеу амалдары жүргізіліп жатыр. Тиісті сараптамалар тағайындалған», - делінген ПД хабарламасында.
Адам өліміне себепкер болған көлік жүргізушісі уақытша ұстау изоляторына қамауға алынды.