«Қазгидромет» РМК Астана, Алматы және тағы алты қаланың тұрғындарына ескерту жасады, деп хабарлайды Astana TV.
Синоптиктер сегіз қалада ауа ластанатыны туралы ескертті.
«2024 жылғы 5 қазанда Петропавл, Павлодар, Өскемен, Семей, Атырау, Ақтөбе, Алматы, Астана қалаларында ауаның ластануының қолайсыз метеорологиялық жағдайлары күтіліп отыр», – деп хабарлады синоптиктер.
Қолайсыз метеожағдайлар – атмосфералық ауаның беткі қабатында зиянды (ластаушы) заттардың жиналуына ықпал ететін қысқа мерзімді метеорологиялық факторлардың (тыныштық, әлсіз жел, тұман, инверсия) жиынтығы.