Батыс Қазақстан облысы полиция бастығы орынбасарының ұлына қатысты есірткі саудасы бабымен қозғалған қылмыстық іс сотта қайта қаралып, оған 10 жылға бас бостандығынан айыру жазасы кесілді, деп хабарлайды Zakon.kz.
"Батыс Қазақстан облысы полиция бастығы орынбасарының ұлы алдында алқабилердің қатысуымен болған сотта ақталған. Іс 2024 жылдың 21 қазанда Маңғыстау облысының қылмыстық істер жөніндегі мамандандырылған ауданаралық сотында алқабилердің қатысуымен қайта қаралды", деп жазады жергілікті Lada басылымы.
ҚР Қылмыстық кодексінің 297-бабы 3-бөлігінің 1,3,5-тармақтарымен айыпталған А-ға қатысты, яғни адамдар тобының алдын ала сөз байласуымен, аса iрi мөлшердегі психотроптық заттарды, электрондық ақпараттық ресурстарды пайдалану арқылы заңсыз өткізу мақсатында сақтау дерегімен сотқа берілген қылмыстық іс қаралды. Мемлекеттік айыптаушы оған 11 жылға бас бостандығынан айыру жазасын тағайындауды сұрады. А және оның қорғаушылары оны ақтауды сұрады