Алматыда кешке таман ауа райы күрт бұзылды. Қалың қардың салдарынан қала көшелерінде 11 балдық кептеліс пайда болды. Әсіресе әл-Фараби, Абай, Сейфуллин, Райымбек, Назарбаев, Достық даңғылдары, Желтоқсан, Төле би көшесі мен Шығыс айналма автокөлік жолы қызыл түсті көрсетіп тұр. Бұған дейін Алматы әкімдігі коммуналдық қызметтердің күшейтілген жұмыс режиміне көшкенін хабарлады. Синоптиктердің айтуынша, түнде ауа температурасы 0 градусқа дейін түседі. Желдің жылдамдығы секундына 4,7 метрге дейін жетеді.