Қарағанды облысында жол апатынан 7 адам қаза тапты. Оның екеуі- бала. Жалғыз аман қалған 12-дегі жасөспірім ауруханаға жеткізілді. Оқиға бүгін таңертең "Алматы-Екатеринбург" тас жолында Құрма ауылынан 2 шақырымдай жерде болған. "Тойота Альфард" автокөлігінің жүргізушісі алдын ала болжам бойынша көліктің басқаруына ие бола алмай қалып аударылған. Жол-көлік оқиғасының салдарынан жүргізуші және оның 6 жолаушысы сол жерде жан тапсырды.
ЖАСҚАЙРАТ ҚАЙЫРОВ, ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ МІНДЕТІН АТҚАРУШЫ:
Таңертең сағат 10.00 шамасында 54 жастағы жүргізуші тізгінге ие бола алмай, жолдың шетіне шығып кетіп аударылған. Салдарынан 7 адам қаза тапты. Жүргізушілерден жылдамдықты шектеН тыс асырмауды, жол ережесін сақтауды сұраймыз.