Астана қаласының мектептерінде қыс мезгілінде сабақ уақыты өзгермейді, деп хабарлайды Azattyq Rýhy.
Осыған дейін әлеуметтік желіде елордадағы мектептерде сабақ уақыты 45 минуттан 40 минутқа дейін қысқарғаны туралы ақпарат тараған еді. Білім басқармасы осындай бұйрық шығарыпты-мыс.
Алайда қалалық білім басқармасы бұл ақпаратты жоққа шығарып отыр.
«Астана қаласының білім басқармасы қысқы уақытта сабақ ұзақтығын қысқарту туралы бұйрық шығармады. Сол себепті сабақ уақытын қысқарту мәселесі қарастырылып жатқан жоқ», - делінген ресми жауапта.