Бүгін, 22 қараша күні Батыс Қазақстан облысы Ақсай қаласындағы №19 үйде өрт шыққан. Төртінші қабаттағы пәтердегі өрттен қашқан екі ұл бала терезеден секіріп кетті. Оларды төрт жігіт көрпе тосып тұрып, қағып алған, деп хабарлайды Azattyq Ruhy.
Қазір әлеуметтік желіде куәгерлер түсіріп алған қорқынышты видео тарап жатыр. Жасы үлкендеу ұл бала көрпенің ортасына түссе, екінші бүлдіршін секіріп, көрпенің шетіне құлаған. Редакция облыстық денсаулық сақтау министрлігінен олардың жағдайы туралы ақпарат сұратты.
«Сегіз және төрт жастағы екі бала ауыр хәлде реанимацияда жатыр. Олардан өзге, осы өрт кезінде 43 жастағы әйел де ауруханаға түскен. Дәрігерлер олар ауыр хәлде екенін айтты», - деп хабарлайды денсаулық сақтау басқармасы.
Ал, құтқарушылар өрт шыққан үйден 7 бала мен 5 адамды аман-есен құтқарып алған.