Алматы-Астана тасжолында жөндеу жұмыстары жүріп жатқан учаскеде жол апаты болып, оқиға орнында бір адам қаза тапты. Одан бөлек, көліктегі 4 жолаушы ауыр жарақат алып, ауруханаға жеткізілді. Болжам бойынша, Toyota Surf көлігі Астанаға, ал Toyota Avalon Алматыға қарай бет алған. Жөндеу жұмыстарына сәйкес, қозғалыс тек бір жолақта жүрген. Тойота Авалон жүргізушісі жылдамдықты асырып, қарсы бағытқа шығып кетіп, екінші көлікке соқтығысқан.
ЕРНАР САЙДИЛЬДИН, ОБЛЫСТЫҚ ПД БӨЛІМ БАСШЫСЫ:
Алматы-Астана автожолының 140 шақырымында Жол-көлік оқиғасы орын алып, бір адам сол жерде қайтыс болып, төрт адам ауруханаға жеткізілді. Аталған факті бойынша полицияда қылмыстық іс қозғалды. Тергеу жүргізілуде.