Қызылордада патрульдық полицияның қызметтік көлігіне жүк машинасының тіркемесі құлады. Соның салдарынан екі тәртіп сақшысы жарақат алды.
Оқыс оқиға «Самара-Шамкент» тас жолының бойында Талдыарал елді мекенінің тұсында болған. Қызылорда облыстық полиция департаментінің мәліметі бойынша жүк көлігінің жүргізушісі қарсы бағытқа шығып, «Газель эвакуатор» көлігіне соққан. Осы кезде жүк көлігінің тіркемесі қызметтік көліктің үстіне құлап, тағы бір жеңіл көлікті зақымдаған.
Зардап шеккен көлік жүргізушісі, жолаушысы және екі полиция қызметкері ауруханаға жатқызылды. Қазіргі уақытта сотқа дейінгі тергеп-тексеру жүргізіліп жатыр,-деп хабарлайды 24.kz.