Бұрынғы UFC чемпионы Хабиб Нурмагомедов Лас-Вегастан Калифорнияға ұшатын рейсте дау шығарып, сапарынан қалды, деп хабарлайды gazeta.ru.
Спортшы ұшақта апатты жағдайда ашылатын есік жанынан орын алған. Ұшу алдындағы нұсқаулық кезінде бортсерік одан төтенше жағдай туындаған жағдайда жолаушыларға көмектесе алатынын сұраған. Алайда Хабиб бұл сұраққа анық жауап бере алмаған.
Бортсерік спортшыға басқа орынға ауысуын немесе супервайзерді шақыратынын айтқан. Хабиб орын ауыстырудан бас тартқан. Орын ауыстырмаған жағдайда, ұшпайтынын ескерткен. Хабиб мұны әділетсіздік деп бағалаған. Нәтижесінде спортшы мен танысын ұшақтан түсіріп жіберген.