Чехияның солтүстік-батысындағы Мост қаласында мейрамханада пропан-бутан қоспасы бар баллон жарылып, қайғылы оқиға болды, деп хабарлайды turkystan.kz.
Жарылыс салдарынан 6 адам қаза тауып, 8 адам жарақат алды. Жараланғандардың алтауы ауыр халде, олар Прагадағы ауруханаларға жеткізілді.
Оқиға кезінде мейрамханада 20-ға жуық адам болған. Жарылыстан кейін мейрамхана мен оның маңындағы ғимараттардан 30 адам эвакуацияланды.
Өрт сөндірушілердің алдын ала мәліметі бойынша, жылытқыш төңкеріліп кетіп, соның салдарынан өрт шығып, жарылыс болған. Қазіргі уақытта полиция оқиғаның мән-жайын анықтау үшін тергеу жүргізуде.