Семейде балықшылар өзенге көлікпен бірге құлап кеткен көлік адамның мәйітін тапты, деп хабарлайды Abainews.kz.
Соңғы мәлімет бойынша, 10 қаңтарда түнгі 00:00 шамасында кезекшіге жергілікті балықшылар із-түзсіз жоғалып кеткен жолаушылардың бірінің денесін тауып алып, судан алып шыққаны туралы хабарлама түскен. Хабарламадан кейін төтенше жағдайлар қызметі дереу оқиға орнына барды, артынша мәйіттің туыстары анықталды.
Қазіргі уақытта тағы бір із-түзсіз жоғалған адамды іздеу жұмыстары күндізгі уақытта жалғасуда. Жұмысқа 100-ден астам адам, моторлы 13 қайық, 2 ұшқышсыз ұшу аппараты, 3 жаңғырық зонд құрылғысы және 1 су асты ұшқышсыз аппарат жұмылдырылған.
«Ауа райының қолайсыздығын ескере отырып және жазатайым оқиғалардың алдын алу үшін Абай ауданының Төтенше жағдайлар департаменті қала тұрғындары мен қонақтарын қыс мезгілінде су айдындарына жақындамауды сұрайды», - деп атап өтті департамент.