Әзербайжанның денсаулық сақтау министрінің тиісті бұйрығымен денсаулық сақтау министрлігінің, бас прокуратураның, ІІМ мен ғылым және білім министрлігінің уәкілетті өкілдерінен тұратын арнайы инспекциялық комиссия құрылды, деп хабарлайды Azattyq Rýhy.
Денсаулық сақтау министрлігінің баспасөз қызметі хабарлағандай, Әзербайжан аумағында практикалық медициналық қызметпен айналысатын пластикалық хирургтер денсаулық сақтау министрлігіне олардың кәсіби қызметінің заңдылығын растайтын құжаттардың нотариалды куәландырылған көшірмелерін 2025 жылдың 31 қаңтарына дейін ұсынуға міндетті.
«Егер маман құжаттарды қажетті тәртіппен белгіленген мерзімде ұсынбаса, бұл медициналық қызметке рұқсат туралы куәліктің немесе сәйкестік сертификатының күшін жоюға негіз болады», - деп атап өтті денсаулық сақтау министрлігі.