АҚШ азаматтары жаппай Xiaohongshu атты қытайлық әлеуметтік желіге көшіп жатыр, деп хабарлайды BAQ.KZ Associated Press-ке сілтеме жасап.
Өзін "TikTok-тан көшіп келгендер" деп атайтын кейбір қолданушылар қытайлық қосымшаны балама санайды. Өйткені АҚШ-та TikTok-қа тыйым салынуы мүмкін.
АҚШ Жоғарғы соты 19 қаңтарға дейін TikTok-ты қытайлық ByteDance компаниясынан ажыратуды міндеттейтін заң бойынша шешім қабылдауы керек. Егер бұл талап орындалмаса, ұлттық қауіпсіздік мәселелері бойынша қосымшаға АҚШ-та тыйым салынуы мүмкін.
Судьялар заңды күшінде қалдыруға бейім деген болжамнан кейін, көптеген TikTok қолданушылары Xiaohongshu-да аккаунт аша бастады. Олар жазбаларында #tiktokrefugee және #tiktok хэштегтерін қолдануда.