Түркияда қонақүйдегі өрттен қаза болғандар саны 76 адамға жетті. Осыған байланысты елде аза тұту күні деп жариялады. Қайтыс болғандардың 52-сінің аты-жөндері анықталған. Ал қалған 24-інің кім екенін нақтылау үшін Анкарадағы арнайы орталықта ДНК тесті жасалады. Тілсіз жауға қатысты арнайы тергеу тобы құрылды. 9 адам қамауға алынды. Олардың ішінде қонақ үйдің иесі де бар.
ӘЛИ ЙЕРЛИКАЯ, ТҮРКИЯНЫҢ ІШКІ ІСТЕР МИНИСТРІ:
Өртенген ғимарат ішіндегі іздеу-құтқару жұмыстары толық аяқталды. Қайтыс болған 76 адамның 45-сінің денесі туыстарына берілді. Бұл қайғылы оқиғаға кінәлілердің барлығы жазаланады.
