Жетісу облысы Ақсу ауданы Қаракемер орта мектебінің асханасында тышқан жүр. Бұл видео әлеуметтік желіде жылдам тарап, көпті алаңдатып қойды. Аудандық санитариялық-эпидемиологиялық бақылау басқармасы жоспардан тыс тексеріс жүргізбек.
АЙДЫНБЕК ЖЕКСЕНБАЕВ, АҚСУ АУДАНДЫҚ БІЛІМ БӨЛІМІНІҢ БАСШЫСЫ:
Асхананы пайдалану бойынша 2024-2025 оқу жылына мердігер "Шебер" жеке кәсіпкерлігі анықталған. Мердігер тарапынан мектеп асханасына дератизация жұмыстарын жүргізуге санитарлық-эпидемологиялық бақылау комитетінің "Ұлттық сараптама орталығының" Ақсу аудандық бөлімшесімен келісімшарт жасалған. 2024 жылдың қараша айында мектеп асханасына арнайы препаратпен дератизация жұмыстары жүргізілген.
