Желіде алматылық бойжеткен екі айда Қазақстанда азық-түлік пен тұрмыстық химия заттарының бағасы қалай өскенін көрсетті. Бұл туралы Stan.kz ақпарат агенттігі хабарлайды.
Ару 3 қаңтар мен 4 наурыз аралығында тапсырыс берілген тауарларды көрсетті. Егер жыл басында салмағы 700 грамм майонез 799 теңге болса, наурыз айының басында ол жеңілдікпен 1045 теңге болған. 200 дана қағаз майлықтар қаңтар айының басында 275 теңге болса, екі айдан кейін 389 теңгеге жеткен.
"Майлық туралы айтқан екенбіз, қазір дәретханаға бару да өте қымбат", — деп атап өтті ол.
Егер қаңтарда ол 12 дана дәретхана қағазының орамасын 1455 теңгеге сатып алса, наурыз айында сол жиынтық құны 1874 теңге болған.
Ал сүт қаңтарда тетрапакеті үшін 539 теңге болса, екі айдан кейін сол марка үшін 670 теңге төлеген.
Сондай-ақ қыз ірімшік, макарон, кір жуатын және ыдыс жуатын сұйықтықтың баға айырмашылығын көрсетті.
"Таңғалып отырмын. Бұл мазақ шығар? Айырмашылық тек екі ай. Мен онсыз да азық-түлікті өте сирек аламын. Айына бір рет. Ал қонақ шақырсаң қанша шығын кетеді? Сіздер азық-түлікті қайдан арзанырақ алып жүрсіздер?", – деді ол.
Әлеуметтік желі қолданушылары видеоға байланысты белсенді түрде пікір жазды.
"Бағалар өткен айға қарағанда айтарлықтай жоғары. Ал жалақыны қашан көтереді?", “Кәсіпкерлердің өздері инфляцияны жеделдетіп жатыр. Тіпті қосымша құн салығы қанша болатынын әлі белгісіз.Сонда да қазірдің өзінде көптеген адамдар жалдау ақысы мен тауарлардың бағасын көтерді", "Бұл баға үрдісі екі жылдан бері жалғасып келеді. Бәрі карантиннен басталды", – деп жазды әлеуметтік желі қолданушылары.