Батыс Қазақстан облысында еріген қар суын айдау жүргізіліп жатыр, деп хабарлайды Azattyq Rýhy.
Батыс Қазақстан облысы Орал қаласының Зачаганск кентінде ТЖМ қызметкерлері су бұру арнасынан еріген қар суын айдауды жүргізуде.
«Аталған шара қар суының кедергісіз өтуін арттыру және құйылуын болдырмау үшін жүргізіледі.
Қазіргі уақытта ТЖМ күштерімен 5000 текше метрге жуық су сорылды. Жұмыс жалғасып жатыр, жағдай бақылауда», - делінген ТЖМ хабарламасында.