Сыйымдылығы 12 тоннадан асатын жүк көліктерінен геожайғасым жүйесі арқылы әр жүрген шақырымына автоматты түрде ақы алынады. Бұл туралы Инвестициялар және даму министрлігінде өткен брифингте «Қазавтожол» өкілі мәлімдеді. Жаңа жүйені Ресей енгізіп үлгерген. Ал біздің елде ірі жүк көліктеріне арнайы борттық құрылғылар қойылады деп жоспарланған.
Рустам Исаев, «Қазавтожол» АҚ басқарма директоры:
Ресейдің тарифтерімен бірдей болғаны жөн деген ұсыныс бар. Онда ақы 2 рубльді құрайды. Егер бұл жүйе енгізілетін болса, бізде шақырымына 20 теңгеден автоматты түрде алынып отырады.