Иерусалимді
Израильдің астанасы деп тану туралы шешімге қарсы дауыс берген елдерге АҚШ қаржылай қолдау көрсетпейді. Бұл туралы Ақ
үйде президент Дональд Трамп айтты,-деп хабарлайды Рейтерс. Ал, атышулы шешімді
қолдамайтын елдер аз емес.
БҰҰ Қауіпсіздік кеңесі жиынында АҚШ-ты айыптайтын қарар үшін тіпті бұл елдің
одақтастары да дауыс берді. Олар - Ұлыбритания, Франция, Италия, Жапония мен
Украина. Трамптың сөзінше, осылай еткен
жағдайда Құрама Штаттар көп қаржыны үнемдейді.
Айта кетейік, АҚШ ұйымға жарна төлейтін елдер арасында көшбасшы
саналады. Яғни БҰҰ бюджеті қаржысының 22% Құрама Штаттардың үлесінде.
Иерусалимнің статусына қатысты қарарға дауыс беру бүгін өтеді.
Дональд Трамп, АҚШ президенті:
Бұл
елдердің барлығы біздің ақшамызды алады, және БҰҰ Қауіпсіздік кеңесінде
Иерусалимге қатысты біздің шешімімізге қарсы шықпақ па? Мейлі, солай-ақ болсын.
Есесіне, біз мол қаржыны үнемдейміз.