Еліміздегі автобизнес өкілдерінің ассоциациясы жылдың алғашқы айында ресми нарықта. қанша көлік сатылғанын хабарлады.Қаңтарда бар-жоғы 3492 автомобиль сатылған. 2015 жылдың желтоқсанына қарағанда 45,6 пайызға аз. Сауда пессимистік болжамнан да төмен болып шықты. Шикізат көздерінің арзандауы, қаржы нарығындағы «қалтыраулар» - тұтыншыларды тұсап отырған факторлар. Маусымдық фактор да бар. Отандық зауыттарға келсек, 486 авто сатқан. Желтоқсанда 833.
Даму банкінің мәліметтеріне сүйенсек, жеңілдетілген автонесие алу үшін 5 мыңнан аса өтініш түскен, 4,5 мыңдай адамның арызы қанағаттандырылған. Жеңілдетілген автонесие рәсімдеуге мемлекет бөлген 26 млрд теңгенің 55 пайыздайы игерілген.
Жеңіл
автомобильдердің орташа бағасы қаңтар айында 6 763 644 теңгені құраған.Орташа
бағаның өсуі премиум сегменттегі машиналардың жақсы сатыла бастауына
байланысты. Нақтырақ айтсақ, Toyota мен Lexus маркаларының. Осындай
метаморфозалар: премиум кластағы
автомобильдер көптеп сатылып, орташа баға өскенімен, қарапайымдар үшін жаңа көлік
алу қайтадан мүмкін болмай кетті. Мінілген көліктердің салығы көп. Ал көліксіз
расында қиын...