Оралда нұротандық белсенділер көмекке зәру қарияларға қол ұшын созды. «Ардагерлерді ардақтайық» жобасы шеңберінде еріктілер 40-қа жуық ардагерге көмектесіп, аулаларын қардан тазартты. Жалпы 800-ге тарта оралдық қария партияның қамқорлығына алынған. Жастардың жәрдеміне мұқтаж тұрғындардың бірі- тыл ардагері Иван Ванин. 85 жастағы қария қазір жалғыз тұрады. Ол ұзақ жылдар бойы ауыл шаруашылығы мен темір жол саласында жұмыс істеген. Зейнеткер үшін ауланың қарын күреу қиынға соғатын болғандықтан, жасотандықтар үнемі көмекке келеді.
Азамат Мағзомов, «Жас Отан» ЖҚ БҚО филиалы менеджері:
Ардагерлерімізді, қарияларымызды ұмытпай оларға демеу көрсетіп, әрдайым құрметтеп жүруді басты парызымыз деп санаймыз. Сондықтан біздер әрдайым келіп көмектесуге дайынбыз.
Еркін КАРИН