Қазақстанның
бірнеше аймағында су басу қаупі сақталуда. Осыған орай дауылды ескерту
хабарламасы жарияланды. Бұл туралы Қазгидромет хабарлайды. 2-4 сәуір аралығында
Қарағанды облысында ауа температурасы жоғарылауы мүмкін. Аумақтағы өзен-көлдер
тасып елді мекендерді су басу қаупі бар. Сондай-ақ Шығыс Қазақстан облысындағы
өзендерде мұз бен қар жылдам ериді деген болжам бар. Синоптиктер, бұл жағдай
судың өзен жайылмасына шығуына алып келеді, деп отыр. Ал сәуірдің 3 мен 4
аралығында Ақмола және Солтүстік
Қазақстан облыстарында су басу қаупі барын мамандар болжап отыр.
Диана САПАРҚЫЗЫ