"Алтын белгіге" үміткерлердің 98 пайызы өз білімдерін дәлелдеді. Бұл туралы Білім және ғылым вице-минстрі Асхат Аймағамбетов мәлімдеді. Оның айтуынша, елде түлектердің 70%, яғни 102 мыңы, Ұлттық бірыңғай тестілеуге қатысады. 15-ші Ұлттық бірыңғай тестілеу 20 маусым - 1 шілде аралығында өтеді. Биыл тестілеуді өткізу форматында өзгерістер жоқ. Тек тапсырмалардың 50 пайызы жаңартылған. Ал вице-министр ҰБТ-ның нәтижелерін телеграмм желісінен де көруге болатынын айтты.
Асхат Аймағамбетов ҚР Білім және ғылым вице-министрі:
"Алтын белгі" төс
белгісіне үміткер болған 6892 оқушының 6780-і, яғни 98,4%, өз білімдерін растап,
төсбелгілермен марапатталды. Үздік аттестат бойынша - 4 966 баланың 4915-і, яғни
99 пайызы, «Үздік аттестат иегері» атанды.