Ұлттық
банк пен Үкімет «Цеснабанктен» 450 млрд теңгеге ауыл шаруашылығы несиелер
портфелін сатып алады. Бүгін қос тарап осы орайда арнайы мәлімдеме жасады. «Цеснабанк»
«Агробизнес - 2020» мемлекеттік бағдарламасын іске асыруға белсенді атсалысқан.
Банк үлесіне саланы несиелендірудің 65%-дан астамы тиесілі. Ұлттық банк пен
Үкіметтің ақшасы қайта несиелеу мен несие мерзімін ұзартуға жұмсалады.
Мәлімдемеде бұл қадам агросаланы сауықтыруға, сондай-ақ «Цеснабанктің» қаржылық
тұрақталығын нығайтуға сеп болады делінген.