Станимир
Стойлов «Астана» футбол клубын әрі қарай да жаттықтыра бере ме?
Кейбір шетелдік басылымдар жаттықтырушының командада қалу-қалмау мәселесі
туындағанын жазуда.
Кей
ақпарат көздері,
Стойловты қалдыру үшін елордалық клуб басшылары оған
төленетін ақыны бір миллион долларға көтеруі мүмкін,
дейді. Үлкен жетістікке жеткен жаттықтырушыны тіпті Катар мен Қытай клубтары
өз қатарына алғысы келетін көрінеді.
«Астана» клубымен Станимир Стойловтың арасындағы келісімшарт
осы маусым соңында аяқталуы тиіс. Бірақ Стойлов қайда баратыны туралы әлі тіс
жармады. Ал «Астана» клубын алда үлкен шешуші матч күтіп тұр.
Елордалық команда аптаның аяғында Ақтөбе клубымен ойнауы тиіс.
Берік ХАСЕНОВ