Deutsche Bank-тің
Мәскеудегі филиалының қызметкерлері күмәнді жолмен келген капиталды жымқыруға
қатысты деген күдікке ілінді. Бұл туралы немістің «Manager Magazin» басылымы жазады. Ақпарат құралының мәліметіне
сай, Германияның қаржы саласын бақылайтын федералды басқармасына қаржылық
құйтырқылық операциялар жайында банктің өзі хабарлаған. Осылайша жүздеген
миллион еуро қаржы алаяқтардың айналымына түскен деп жазады басылым. Deutsche
Bank-тің бас ғимаратында ішкі тергеу жұмыстары басталды. Тәуелсіз тергеу
жүргізу үшін Лондон мен Нью-Йорктен мамандар шақыртылған. Істің мән-жайы
анықталғанға дейін ондаған қызметкер жұмысынан шеттетілді. Айта кетерлігі Fitch
агенттігі де банктің рейтингін
төмендетіп тастады.
Айгүл ӘДЕПБАЙ