Астанада
еліміздегі жекпе-жек спорт түрінің ең үлкен академиясы ашылды. «Qazaq Batyry»
әмбебап академиясы барлық танымал күрес түрлерінің басын қосқан. Спорт кешені
850 шаршы метр аумақта орналасқан. Мұнда қарапайым күрес, бокстан бастап,
кәсіпқой жекпе-жекке арналған арнайы алаңдар бар.
Академияның салтанатты ашылу
кезінде кәсіпқой жекпе-жектің арнайы көрсетілімі ұйымдастырылды. Спортпен
айналысуға бел буғандарды спорт кешенінде тек отандық емес, шетелдік әйгілі
жаттықтырушылар баптайтын болады. Айта кету керек, бұл кешенде айына бірден
мыңға жуық адам тәрбиелеуге мүмкіндік бар.
Қанат
Алин, «QAZAQ BATYRY» жекпе-жек академиясының президенті:
Бұл жеке жоба. Академия ары қарай жұмысын жалғастыру үшін, ақылы түрде қызмет
көрсететін болады. Бірақ барлығы бұқараға қолжетімді болады.