Қазір Қазақстанға атом электр
стансасы қажет емес. Қаржылық қиындық туындаған кезде мұндай жобаға ақша жұмсау
- артық. Сенаттың жалпы отырысында «Атом энергиясын пайдалану мәселелері
бойынша» заң жобасын таныстырған энергетика министрі Владимир Школьник осылай
деді. Өйткені елде электр энергиясы жеткілікті көлемде өндіріледі екен. Тіпті
жылу электр стансалары жөнделіп, жаңартылғалы бері 3 мың МВт қор жиналып қалған. Дегенмен, атом электр
станциясының құрылысы жобасы күн тәртібінен алынбаған. Онымен айналысуға уақыт
жеткілікті екенін атап өтті министр.
Владимир Школьник, ҚР
Энергетика министрі:
Қазіргі кезде жаңа энерго
көздеріне қыруар қаржы жұмсау тиімсіз. Өйткені бізде қолданылмаған қуаттылық,
яғни қор бар. Ақшаны басқа қажеттіліктерге жұмсауға болады. Сондықтан бұл
сұрақты әлі зерттеледі. Біз қазір жаңа энергетикалық теңгерім бойынша жұмыс
істеп жатырмыз. Бұл 2025-2030 жылдарға арналған. Жаңа дереккөздерді қай кезде
енгізетінімізді жаһандық экономика мен Еуразиялық кеңістік экономикасындағы
өзгерістерді зерделеп болған соң ғана айта аламыз.