Мұнай құны 2% құлдырады. Бұған
Bloomberg агенттігінің таратқан жалған ақпараты себеп болған. Агенттік қара
алтын өндірісі артты деп жазды. Осылайша таңғы фьючерс бағамдарына сай Brent
марклі мұнайдың құны барреліне 42 долларға дейін түссе, WTI-дың баррелі
39,58 долларға саудаланды. Мақалада көрсетілгендей, бұл ОПЕК шешімі.
Ал
шынтуайтында, ОПЕК-ке мүше елдер 4
желтоқсан күні Венада өткен саммит жұмысы барысында мұнай квоталарын сол
қалпында ұстау ұйғарымына келген. Бұл
жөнінде ОПЕК-тің бас хатшысы Али аль-Бадриге сілтеме жасап, Рейтерс хабарлайды.
Аль-Бадри, қара алтын өндірісіне қатысты нақты жағдай әзірше бұлыңғыр, дейді.
Өйткені мұнай нарығына Иран шығып отыр.
Тегеран шектеулер алынған соң, күніне 0,5-1 млн баррелль мұнай өндіруге
бекініп отыр.
Бүгінгі таңда мұнай
экспорттаушы елдер ұйымына мүше
мемлекеттер 4 жыл бойы күніне 30 млн баррель мұнай өндіріп келеді. Айта өтейік,
ОПЕК-тің келесі жиыны 2016 жылдың 2 шілдесінде өтеді деп жоспарланды.
Абдулла аль-Бадри, ОПЕК бас хатшысы:
Бізде
Иран бар. Ел нарыққа қашан шығатынын білмейміз. Сәйкесінше нақты сандарды бере
алмаймыз. Сондықтан квота бойынша шешім шығармай, бұл мәселені келесі кездесуге
қалдыруды жөн көрдік.
Ләйлә ҚАЗИАҚПАРОВА