Эстрада
жұлдыздары мен белгілі спорт саңлақтары «Астана-Аренада»
футболдан жолдастық кездесу өткізеді. «Нұр Отан»
партиясы мен Мәдениет және спорт министрлігі мұрындық болған шара «Астана»
футбол клубының УЕФА Чемпиондар лигасының топтық бәсекесіне өту құрметіне
орайластырылған.
Белгілі спортшылардан құралған «Ұлы
Дала Батырлары» құрамасы сапында КСРО-ның 7 дүркін чемпионы, спорт қайраткері
Дәулет Тұрлыханов, боксшы Ермахан Ибраимов, күрес шебері Ислам Байрамуков және «Қазақстан
Барысы» додасының жеңімпаздары Бейбіт Ыстыбев пен Айбек Нұғымаровтар өнер
көрсетеді. Ал эстрада жұлдыздарынан құралған «Алатау» командасында, «Музарт», «Ринго»,
«Арай», «Нұр Мұқасан», «Мистерионс» топтары мен әнші Тәуекел Мүсілім, Нұржан
Керменбаевтар ойнайды. Матч осы
жексенбіге белгіленген. Бұл күні танымал әншілердің қатысуымен көрермендерге
арналған гала-концерт өтеді деп жоспарланып отыр. Өз болжамдарымен бөліскен
эстрада жұлдыздары спорт жұлдыздарын жеңетіндеріне сенімді.
Аян
Бірбаев, «RINGO» тобының мүшесі:
Осы
ойында жылдамдыққа «ставка»
қойып жатырмыз. Бұйыртса, сол жылдамдықты қолданып, «Ұлы
Дала Батырларын»
жеңеміз деген ойдамыз. Сенімдіміз. Есеп 3:1 болсын енді. 3:0 десе, енді қатты
ұят болар. 3:1 болсын. Бір гол соқсын енді. Соғар деп ойлаймыз.
Жұрағат БАМАН